Халкъан кицанаш
ХАЛКЪАНА 1ЕР-ДАХАРЕХЬ ЗЕДЕЛЛАРГ
1. БИИ КУОГ боллушиехьа говр а йолу гал. (УС-Е, 17)*
2. Бух боцу шелиг хих дузур дац. (УС-Е, 17)
3. Б1аьргана гинарг тешаме ду, лергана хезначул. (НХК-19)
4. Валарах кхоьруш воцург лийр вац. (АДШ-1224)
5. Вираца лаьттина эса вирах 1аьхна. (НХК-20)
6. Воьдуш динарг хьесап дац, вог1уш динарг бен. (НХК-20)
7. Денна ца яхьа хе чалх. (НХК-21)
8. Д1аг1оьртинчу стеран белкорта** йоьйна, юхаг1оьртинчу стеран ма1а йойна. (АДШ-1247)
9. Кепах тера йолу кибарчиг. (НХК-15)
10. Керлачу норо нехаш ц1ена йоху. (АДШ-1247)
11. Куьпчичо т1ам шена луъучу буллу. (НХК-16)
12. Кхийринчу(н) нана йилхина яц. (УС-Е, 18)
13. Къеначу барзо ши уьстаг1 баьхьна. (НКК-16)
14. К1елахь г1ура йоцуш, 1ам т1ехь ша бийр бац. (НХК-21)
15. Ла ца дуг1учунна дина хьехар хьакхина хьалха оьллина жовх1ар ду. (АДШ-1209).
16. Малх хьаьж-хьаьжначу х1у таса - х1у тес-тесначу 1индаг1 х1уттур ду хьуна. (НХК-16)
17. Маха лиелачухула тай а лиела. (УС-Е, 17)
18. Нехин диег1ах боллун пхуо*** хионах боллуш санна хиета. (УС-Е. 17)
19. Оза делахь а, жижиг тоьла. (АДШ-1001)
20. Пхьеруо морзух лелабуо, куьг ца дагуон. (УС-Е, 17)
21. Саргах ца бина х1оз г1ожух хир бац. (УС-Е, 17)
22. Т1ам бойна леча ламанца тарлуш дац. (АДШ-1216)
23. Хи долчохь бен хуьлуш дац дахар. (АДШ-1216)
24. Хийистехь вехачунна хин гечо девза. (НХК-17)
25. Хьера йиллале, к1арк1ар йиллина. (НХК-17)
26. Цамгар, йог1уш, не1арх йог1у, йоьдуш, механ 1уьргах йоьду. (АДШ-1216)
27. Цериг йоцуш буорз хир яц. (УС-Е, 18)
28. Цкъа кагъелла меже нийса ца х1оттаелла. (АДШ-1247)
29. Ц1а дагахь а - ц1е тоьла, кха дагахь а - малх тоьла. (НХК-23)
30. Ц1арца бегаш ма бе, хих а ма теша. (НХК-23)
31. Ч1еруо лоху хи чохь к1оргу меттиг. (УС-Е, 17)
32. Шен хеннахь вижнарг кхаа вонах ваьлла, шен хеннахь г1аьттинарг кхаа диканах кхиъна. (НХК-18)
33. 1уьйре ц1ийелча - кхоллар кечъе, суьйре ц1ийелча - кхаллар кечде. (НХК-18)
____________________________
*Х1окхуьнан а, кхин д1айолчу шифрийн а маь1на далийна, Билгалдаккхаран "Кицанаш" ц1е йолчу декъа т1ехь
**Динбухка.
***Пха.
1. Вина мохк мазал мерза бу. (ЧФ-П, 189)
2. Дикачу пхьидо шен 1ам хестабо. (АДШ-84)
3. Мехка доцчу иэро пхьагал ца лаьцна. (НХК-25)
4. Нехан махкахь эла хуьлучул, шен эвлахь лай хилар тоьлу. (ХД-32)
5. Ц1ийнах идда бежана берзан бага дахна. (ХД-45)
6. Ц1ийнах идда бежана не1арца дайна. (НХК-23)
7. Шен ненан сий лардечо - Даймехкан сий а лардийр ду. (АДШ-114)
8. Шен ц1а - ц1ен ц1а. (НХК-25)
1. Болх бечу кхаьчча, - болх бе, юучу кхаьчча - яа. (НХК-14)
2. Воккхах волчунна хьо жимах вацахь, жимохчунна воккхах а хир вац хьо. (ХД-12)
3. Воккхачо аьлларг дайна дац. (АДШ-33)
4. Воккхачо аьлларг динарг дохко ца ваьлла. (ХД-12)
5. Воккхачо аьлларг цадинарг бердах вахна. (НХК-36)
6. Г1иллакх дезаш волчунна и генахь дац аьлла. (АДШ-1232)
7. Деца къамел ма де, нана юккъе лелае. (АДШ-39)
8. Дикачу г1иллакхо лех эла вина, вочу амало элах лай вина (ХД-20)
9. Къиг т1ееъча, къиг а г1отту хьала. (НХК-28)
10. Оьздачу стага шен ц1ахь а, хьошалг1ахь волуш санна юу х1ума. (АДШ-30)
11. Стеган мах ша хадийнарг бу. (ЧФ-II, 183)
12. Шена во диначунна дика динарг, шен мостаг1чуьнан ч1ир эцнарг ву. (АДШ-1229)
13. Юххерчуьнга мала а ца олуш хи мелларг а, мала аьлча, и мелларг а - ший а ж1аьла ду. (АДШ-34)
1. Дешар - серло, ца дешар - бода. (ХД-18)
2. Йоза доцу стаг шура йоцучу аттах тера ву. (АДШ-83)
3. Коьртехь хьекъал ца хилча, когаша къахьоьгу. (НХК-37)
4. Кхоччуш хьекъал долчуьнан къамел доца хир ду. (АДШ-40)
5. К1езахь 1еминарг, пхьарахь а ца дитина. (ХД-28)
6. Майра ву алий, кура а ма вала, хьекъал долуш ву алий, сонта а ма вала. (АДШ-81)
7. Нахана юккъехь леларе терра бен хуьлуш дац хьекъал. (ХД-31)
8. Стеган хазалла ца лоруш, дикалла а, хьекъал а лара. (АДШ-82)
9. Ткъа шарачохь ца хилла хьекъал цкъа а хир дац. (АДШ-1216)
10. Хьекъал долуш верг мила ву? - аьлла. - Нахе х1ума хоттург ву аьлла. (АДШ-80)
11. Х1ума хаар - нахе ладог1ар. (НХК-23)
ДОЬЗАЛ, ГЕРГАРЧУ НЕХАН ЮКЪАМЕТТИГАШ
1. Ваша ваша ву, эшначу меттехь хьалха х1уттуш велахь. (АДШ-1216)
2. Ваша воцу йиша - 1индаг1. (АДШ-1246)
3. Вежарийн безам - т1улгал а ч1ог1а бу. (АДШ-1231)
4. Дений-нанний муьт1ахь боцу доьзал - гергара мостаг1. (НХК-27)
5. Дика доьзал кхиънарг нахалахь корта лекха хир ву. (ХД-19)
6. Доьзал дика - беркат дукха. (НХК-28)
7. Лела ца хиъна нускал, олла баьхьна яй санна, духадеъна. (АДШ-1216).
8. Марцхошца къийсина нус ц1ийнах яьлла. (ХД-29)
9. Несана хьекхийна цергаш к1антана яхна. (АДШ-1216)
10. Нуц валар - арахьара вон, нус ялар - чоьхьара вон.
(АДШ-1216)
11. Сунцхой а, ненахой а ца лоруш верг лай лерина. (АДШ-38)
12. Чохь ца хилла сий - арахь а хир дац. (НХК-32)
1. Дикачу ненан - дика йо1 хуьлу, хазачу ненан - коча йо1 хуьлу. (АДШ-1730)
2. Нанас йина чов лаза ца лозу. (АДШ-49)
3 Ненан оьг1азло ло санна ю: дуккха а дог1а, амма сиха деша.
(НХК-28)
4. Ненан сий динарг махко а лерина. (АДШ-50)
1. Г1иллакхех бен хуур дац йо1 дика муьлхарг ю. (АДШ-1216)
2. Махмаран духаро хазъеш яц йо1, мел хаза заза хиларх къаьсташ бу ба1. (АДШ-1730)
3. Нанас хестийна йо1 мехала ца яьлла. (НХК-21)
4. Хаза йо1 кхиъначу ден сий алсамдолу. (ХД-38)
5. Хаза йо1 тиша коч йоьхча а, товш хуьлу. (НХК-32)
1. Бартана чехка зуда хьуьнарна сов хир аьлла. (АДШ-1216)
2. Дика зуда - бахам, вон зуда - бохам. (АДШ-48)
3. Дика зуда ирс ду, вон зуда дов ду. (АДШ-1216)
4. Дикачу зудчун майра т1ехь беркъа хир вац. (АДШ-1216)
5. Зуда елхочо - бераш делхадо. (АДШ-1730)
6. Зудчо боьллинчу сардамо - йицйо тоьпан чов. (АДШ-1730)
7. К1антана зуда ялийна - ненан к1удална т1е к1удал кхетта. (АДШ-1216)
8. Тхов т1ера чувоьжнарг - лазавой вуьсу, зудчун даг т1ера воьжнарг - т1епаза вов. (АДШ-1216)
1. Вуьзначу мута1еламах дала ларвойла. (НХК-52)
2. Гуттар ца лаьтта моллина мовлад. (НХК-52)
3. Массо а стагана там бина дела а вер вац. (АДШ-103)
4. Меца волчу моллина бисмилла ца хеза. (АДШ-104)
5. Моллас саг1а даьккхича, шайт1ано зурма лекхна. (НХК-52)
6. Моллас, ша лелош дерг ма леладе, леладе бохург леладе аьлла. (АДШ-106)
7. Мурдана шайх веза, шайхана - шура еза. (НХК-52)
8. Саьрамсекхан к1олла, хьаьжц1а баьхьча а, ца яйна. (ХД-35)
9. Хила яздинчунна моллин дан х1ума дац. (АДШ-107)
10. Цхьа а стаг вац зингатан б1аьргаш, лаьхьан когаш, моллин саг1а гина. (АДШ-105)
11. Чоме хьовсий вай аьлла гай даьтт1ачу моллас. (НХК-52)
12. Шена х1ума елча, жен-ж1аьла а кешнашка д1адолла магийна моллас. (НХК-52)
13. Шена х1ума елча, моллас ж1аьлина а даьккхина жайна. (НХК-52)
14. Шина саг1ийна т1аьхьаваьлла молла цхьа а доцуш висна. (ХД-48)
1. Аьтто боцчохь юхавалар - стешхалла яц. (НХК-44)
2. Аьхка лаьхьа гинарг - 1ай карсах кхийрина. (НХК-44)
3. Б1аьрг стешха - куьг майра. (НХК-44)
4. Вуьзначул т1аьхьа 1ийнарг стешха лерина. (НХК-27)
5. Г1аз т1аьхьа хьаьдча, Бекха а ца воьхна. (НХК-44)
6. Котам а хилла вехачул, н1аьна а хилла, велча тоьла. (НХК-44)
7. Кхеравелча хиндерг, кхера ца велча а хир ду. (НХК-44)
8. Ла мел дийг1и, татанаш сов хеза. (НХК-44)
9. Ойла а ца еш, дош ма ала, аьллачул т1аьхьа, хьайн дашна т1ера а ма вала. (АДШ-94)
10. Стаг тоьлла ву алий, хьайн бакъо ма йита. (АДШ-1216)
11. Стешхачу ж1аьло т1ехьашха катуху. (НХК-45)
12. Чохь майралла - арахь стешхалла. (НХК-45)
13. Ша буьйш, дехко а юхку цергаш. (НХК-45)
14. Шен кет1ахь н1аьна а хуьлу майра. (НХК-45)
1. Бедда боьдучу сена а аьлла. (НХК-19)
2. Б1аьргаш боцчунна нехан б1аьргара к1ай гина. (НХК-19)
3. Дика вахар - нах дика бовзар. (НХК-21)
4. Дика н1аьна - ялкхан т1ехь кхойкху, вон н1аьна - миччахьа а кхойкху. (АДШ-1730)
5. Дикачу лулахочул дика х1ума а дац, вочул вон х1ума а дац. (ХД-13)
6. Дикачу лулахочуьнан астаг1 йо1 маре яхна. (АДШ-92)
7. Доттаг1алла хадо лиъча, нуьйран х1оа бехна. (НХК-27)
8. Къунна ша санна волу къу вевза. (АДШ-1216)
9. Къуьно бен хестор вац къу-стаг. (АДШ-1216)
10. Совг1атана беллачу динна бага ма хьежа. (АДШ-45)
11. Уггар хазчу стагана а цуьнан ворта еха яра аьлла. (НХК-22)
12. Хьайга далург нахе де ма ала. (НХК-17)
1. Дов даьлча, дов ца деш верг стаг а вац, цул т1аьхьа ца товш верг а стаг вац. (АДШ-96)
2. Дов - шар-худар дац. (НХК-27)
3. Зулам лоьхург вонах ца ваьлла. (АДШ-58)
4. Т1амо стаг вина вац, т1амо саг вийна. (НХК-29)
1. Доггах билхинчу б1аьргех ц1ий даьлла. (НХК-27)
1. Яхье даьлла эппаза туьмане кхаьчна. (НХК-25)
2. Яхь йолчу дагахь - хьаг1 хир яц. (ЧФ-П, 182)
1. Бацалла лаьллина вир баь1ашка дахна. (ХД-9)
2. Хьо 1овдал вуйла хаийтина-кх ахь, - аьяла цхьаьнге. - Аса-м ца хаийтира, царна шайна хиир-кх, - жоп делла вукхо. (АДШ-1244)
3. 1овдалниг хье мел вин а 1овдалволу. (АДШ-1216)
1. Ваша ваша вац и хьан доттаг1а вацахь. (НКХ-26)
2. Генара доттаг1а - йоьг1на г1ала. (НХК-27)
3. Генара хиларх, тешаме доттаг1, б1ов санна ч1ог1а ву. (ХД-14)
4. Дикачу доттаг1чуьнца дуьненан йисте а кхача хала дац. (НХК-27)
5. Дикачу к1антана доттаг1ий ца эшна. (НХК-27)
6. Доттаг1а коьрте хьожу, мостаг1 когашка хьожу. (НХК-27)
7. Доттаг1а шираниг тоьлу, керт - керланиг тоьлу. (НХК-28)
8. Доттаг1чун хьаг1 хала ю, мостаг1чун ямартлонал. (АДШ-1730)
9. Сакхт доцуш доттаг1 лаца хьо г1ертахь, и воцуш вуьсур ву хьо. (АДШ-28)
10. Эзир доттаг1а верг ваьлла, эзир сту-етт берг велла. (НХК-29)
1. Беже ма т1аьхьа воьду хьо аьлча, д1а т1аьхьа водахь а, ц1а хьалхе вог1ур ву ша аьлла. (АДШ-79)
2. Ж1аьло 1аьн т1ехь ч1аг1о йо бах, б1аьсте ма-еллинехь шена бун йийр ю ша олий, ткъа б1аьста, юха а 1а т1екхаччалц ворданна к1ел дуьжий 1уьллу. (АДШ-78)
3. Малонах мазал ца хилла. (АДШ-77)
4. Халонах кхийринарг, диканах кхетта вац. (АДШ-64)
5. Х1уманна мало ечо юьхь а парг1ат юьлу. (АКШ-1216)
1. Багахь дина х1оаш кхерзина дац. (НХК-14)
2. Боца муш а тоьлу десачу къамелал. (АДШ-18)
3. Дукха лер - дети делахь а, ца лер - деши ду. (НХК-21)
4. Дукха лер - хьекъал ца тоар ду. (АДШ-23)
5. Дог 1ахар долчуо т1уо багахь боккху. (АДШ-53)
6. Ира мотт - совг1ат, беха мотт - та1зар. (АДШ-1216)
7. К1езиг дечо дукха дуьйцу. (АДШ-22)
8. Малар а доьттина дийриг - эрна къамел ду, меллачул т1аьхьа дийриг - дехна къамел ду. (АДШ-1730)
9. Хабарал худар тоьла. (НКХ-22)
10. Хабар дукха дийцинчо болх к1езиг бина. (АДШ-1216)
11. Хьайга дог1ург аьлла 1ийча, пахана цкъа а к1ордор вац хьо. (АДШ-18)
12. Церг - деши ду, мотт - бала бу. (АДШ-1216)
13. Яьсса х1ума ч1ог1а ека. (ЧФ-11,185)
1. Виро "вир" аьлча, вир аьхка дахана. (НХК-20)
2. Къахеташ ца лург дозаллина ло. (АДШ-1216)
3. Ма г1ерта бердан йисте, ва вир! Сан коча йог1ур ю хьо, - аьлла старо. (НХК-21)
4. Нехан юьртана наь1алт бохург - шен юьртах ваьлларг ву. (АДШ-1730).
5. Сихалла - сонталла, собар - кхетам. (НХК-39)
6. Сонтачу стага шен хьал хилча, - ши сте ялайо, хьекъал долчо - ц1а лакхадоккху. (НХК-38)
7. Сонтачу стеган хьекъал вист ца хилар ду. (НХК-38)
8. Т1ех аркъал ситтинарг букъ бойна висна. (АДШ-1216)
1. Барт болу ши стаг барт боцучу юьртал а тоьла. (АДШ-89)
2. Барт болчохь - беркат, барт боцчохь - зулам. (НХК-26)
3. Барт болчу цицигаша барт боцу берзалой эшийна. (НХК-26)
4. Барт боцучу доьзалехь беркат хир дац. (НХК-26)
5. Барт ийг1ина доьзал - ка йоцу т1ом. (НХК-26)
1. Вуочу х1усамнанас, шина б1аьргана юккъе шад а бой, т1еоьцу хьаша, амма йоьлуш новкъа воккху. (АДШ-29)
2. Къени вахна - къа дисна, хьаша вахна - иэхь дисна. (АДШ-26)
3. Ма хатта мила ву, вуза а вай, д1авижаве. (АДШ-24)
4. Оьзда воцу стаг хьошалг1а веъча, - дика кхаба, оьздачунна - ерг елча а, кхачам хир бу. (НХК-33)
5. Сакъерделча, - хьаша парг1атволу, сагатделча, - хьаша сихло. (АДШ-1730)
6. Хан яьлча вог1у хьаша - ахь лорург ву, шен хеннахь вог1ург хьо лорург ву. (АДШ-1730)
7. Хьаша веъча, д1а-схьа ма хьежа, шуьча хьажа. (ХД-41)
8. Хьаша веъча х1усамден пхьор тоделла. (ХД-41)
9. Хьаша ца везачу х1усамненан бераш доьлхуш хуьлу. (ХД-41)
10. Хьаша ца везарг далла а ца веза. (ХД-31)
11. Хьаша ца везнарг нахана а ца везна. (НХК-34)
12. Хьаша ца вог1у ц1а кошах тера ду. (ХД-44)
13. Хьаша ца вог1учу ц1а чу беркат ца дог1у. (НХК-34)
14. Хьаша ца леринарг хьошалг1ахь а ца лерина. (ХД-41)
15. Хьешана дуьхьал нуй хьекхар - хьаша ца эшаран билгало ю. (АДШ-28)
16. Хьешана шега д1акховдийна меттиг ларъян хаа деза. (АДШ-31)
17. Хьеший оьхучу новкъахь буц ер яц. (НХК-33)
18. Хьо меца 1ай а, хьаша вузаве. (АДШ-25)
1. Аьхка мало - 1ай хало. (НХК-14)
2. Аьхкенан дийно 1аьнан бутт кхобу. (НХК-14)
3. Болх бар цхьа къинхьегам, цабар - ши къинхьегам. (АДШ-1216)
4. Дехарал - беже х1оттар сийлахь ду. (НХК-15)
5. Д1адийнарг - т1едалаза дуьсур дан. (НХК-15)
6. Ирхе ца яьккхича, пурхе ца кхаьчча. (НХК-15)
7. Къа ца хьегча, хи чуьра ч1ара а ца баьккхина. (НХК-16)
8. К1айчу куьгишна наха къахьегнарг диеза. (УС-Е, 17)
9. Массо а х1уманал мерзаниг - хьанал къинхьегам. (АДШ-1216)
10. Нехан х1умане са ма тийса, хьайн куьйгашка къахьегийта. (АДШ-76)
11. Охуш эллериг - оруш карайна. (УС-Е, 17)
12. Стеран ма1а т1ехь 1ийначу мозано баьхна: гота аьхна бог1у ша. (НХК-17)
13. Хала дара алий, х1уманна б1о а ма къажабе, атта дара алий, тассий а ма дита. (НХК-17)
14. Хьалххе г1аьттинчу 1уьнан жий шала бехкина. (НХК-17)
15. 1иллинчу т1улга к1ел хи ца кхаьчна. (НХК-18)
1. Ахчано стигала боьду некъ лехна. (НХК-48)
2. Ахчано 1ай Башлам т1ехь паста караяйтина. (НХК-48)
3. Безам буьйцу - безам болчо, бахам буьйцу - са къен долчо. (АДШ-1730)
4. Безамо 1ехийнарг - дог-к1еда хуьлу, бахамо 1ехийнарг - дог-1аьржа хуьлу. (АДШ-1730)
5. Дукха дерстина вир бердах дахана. (НХК-49)
6. Карахь долчун хама барца кхуьу даьхни. (НХК-49)
7. Къаьркъано вахийнарг - вастало, хьоло вахийнарг - ца вастало. (АДШ-1730)
8. Т1ех юьзна вир хьерайолу, говр - хьокханна т1ейоьду, стаг - эккха. (АДШ-1221)
1. Дин хецна битинарг - лома кхаьчна, лаьллина ваханарг - 1инчу кхаьчна. (АДШ-1730)
2 Кхихкича, т1ех ей а бог1у. (АДШ 1730)
3. Сатоьхначу салтичух эпсар хилла. (НХК-39)
4. Сихалла а йохкий, собар эца. (АДШ-1216)
5. Сихалла - сонтала, собар - кхетам (НХК-39)
6. Сихалло - са даьккхина, собаро - лам баьккхина. (НХК-39)
7. Собар - толаман меттимотт. (НХК-38)
8. Стеган дикалла собарх хиъна, говран дикалла боларх хиъна. (НХК-39)
1. Аьшпийн к1уьрехь б1аьргаш ца 1ийжабо. (АДШ-1730)
2. Ворх1 шо даьлча а карабо аьшпаш шен баьрчехь. (ХД-13)
3. Нахана хьекхийна цергаш шех яхна. (АДШ-61)
4. Нехан куй айхьа баьккхичи, хьайн куй чета болла. (АДШ-62)
5. Тахана харц дерг ахьа дийцахь, кхана хьох тешар бац. (ЧФ-11, 188)
6. Тешнабехк бинчух боьду. (ЧФ-П, 183)
7. Хьарам диъначуо къаьхьа 1еттина. (ЧФ-П, 182)
8. Цамоьттург хуьлу моттарг1анаш лелош волчунна. (ХД-43)
1. Аьлча дохковер волу дош, ма ала. (НХК-35)
2. Вон дош къорачунна а хеза. (ЧФ-П, 186)
3. Ворх1 во1 волчу ден пхьоьханахь дош лела. (НХК-12)
4. Даггара аьлла дош дагах летта. (АДШ-1216)
5. Дика дош саг1а лерина, вон дош къа лерина. (ХД-18)
6. Къонаха ваханчара дош дахьа, къиг яханчара эхь дахьа. (АДШ-93)
7. Мел бехачу новкъа а, цкъа тоьхча, тоьа дикачу динна шед, мел йоккхачу майданахь а, цкъа аьлча, тоьа хьекъале дош. (АДШ-17)
8. Стеган дагара матто схьадуьйцу. (АДШ-1231)
9. Тоьпо цхьаь бен ца вийна, матто эзар вийна. (НХК-42)
10. "Хаац" - цхьа дош, "гира", "дайра" - эзар дош. (АДШ-20)
11. Хазчу дашо лам башийна. (НХК-29)
12. Хазчу дашо лам дашо бина. (АДШ-15)
13. Хазчу дашо 1уьргара лаьхьа баьккхина. (НХК-29)
14. Хьан дош - дош дацахь, дуй - дуй бац. (НХК-36)
15. Хьалха хьажий бен ког а ма баккха, т1ехьа хьажий бен дош а ма ала. (НХК-38)
16. Х1ор дешан а шен меттиг ю. (ЧФ-11, 182)
17. Шен метта ца аьлла дош хезна дац. (ЧФ-11, 184)
18. Шина балдех арадаллалц хьан лай ду дош, арадели - хьо цуьнан лай ву. (НХК-39)
1. Бен сту белча, батта пах ца белла. (НХК-51)
2. Дукха дезаро к1езиг дезийтина. (ЧФ-11, 188)
3. Латта кхача а дина, баларна кхийрина н1аьна. (НХК 51)
4. Хи дехахь - меца вац, ца дехахь - марха ду аьлла сутарчу х1усамнанас. (НХК-51)
5. Хиларо велийнарг - дацаро велхийна. (НХК-22)
6. Шина саг1е хьаьдда молла цхьа а доцуш висна. (НХК-51)
1. Дагна там т1ех безнарг стогаллах воьхна. (АДШ-1216)
2. Къелле ма хьажа, стеган стогалле хьажа. (АДШ-1216)
3. Малар мала ахча лоьхучул - ца мала стогалла лаха. (АДШ-1730)
1. Букурвоьлла стаг кашуо нисвиер. (УС-Е, 17)
2. Вохвелча, воьлучо, шелвелча,-садуу. (АДШ-1730)
3. Да левинчо - нана а юхку. (АДШ-1730)
4. Дог-1аьржа стаг хуьлу питане, ца кхеташ верг - эладитане. (АДШ-1730)
5. Къаьркъане марзвелларг баханах воьхна. (АДШ-1216)
6. Лаьхьанна ца хаьа шен д1аьвшо х1ун до, зударшна - шайн маттодийриг хаьа. (АДШ-1730)
7. Нехан воне ца хьийзинарг, шен вонехь ша висна. (АДШ-1216)
8. Ца лозу корта ма бехка. (АДШ-1216)
1. Алаша хастае, дина хаа. (ЧФ-11, 189)
2. Говран дикалла боларх хиъна, стеган дикалла собарх хиъна. (НХК-39)
3. Дика дин а боьду цкъа гор. (АДШ-112)
4. Дика дин - боьршачу стеган т1ам. (НХК-12)
5. Дикачу динна, цкъа тоьхча, шарахь тоьа шед. (ЧФ-11, 188)
6. Дин некъаца бевза, к1ант аренца вевза. (АДШ-44)
7. Сагатделлачу къонахчун дог дино хьаьстина. (НХК-44)
1. Буьйса бодане мел хили, седарчий сирла хуьлу. (НХК-53)
2. Б1аьстенан мохо к1урз бахьа, гуьйренан мохо к1ир бахьа. (НХК-19)
3. Гурахь цхьана 1айг дог1анах варда хатт хуьлу, аьхка варда дог1анах 1айг хатт хуьлу. (НХК-53)
4. Даима эхарх, хи кхачалур дац. (НХК-36)
5. Коьртера дуьйна хьаьа хи. (ЧФ-11, 182)
6. Литтана т1е маккхал хиъча, гуьйре йоларан билгало ю. (НХК-53)
7. Ло доцуш 1а а хир дац, йовхо йоцуш аьхке а хир яц. (ЧФ-11, 184)
8. Хи гуттара цхьана хорша ца лела. (ХД-39)
| Нравится |
Создано на конструкторе сайтов Okis при поддержке Flexsmm - накрутка подписчиков вк
Красивые пожелания доброго вечера. Открытки с пожеланиями доброго вечера